Plantun de Prouvènço

Pèr coumpara dos planto d'encò nostre

Prunus avium & Colchicum alpinum

Cereisié-fèr

Prunus avium

Rosaceae

Àutri noum : Cereiras, Piéucère, Grifaudié.

Nom en français : Merisier.

Descripcioun :
Lou cereisié-fèr trachis dins li bos fres. Es esta peréu planta. Se recounèis l'ivèr à sa rusco que se lèvo en anèu, la primo e l'estiéu à si gràndi fueio emé de glando roujo sus lou pecou e de segur i cerieso.

Usanço :
Li cerieso soun evidentamen manjadisso coum'acò o d'ùni biais. Se li co soun couneigudo pèr faire pissa, se saup mens que li fueio podon servi pèr sougna li plago. P. Lieutaghi raporto que dins lis annado de 1930, se sougnavo li plago di chivau emé d'emplastre de fueio boulido (P. Lieutaghi, op.cit. p. 149).

Port : Aubre
Taio : 3 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 12 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à mai

Liò : Bos fres - Baragno
Estànci : Mesoumediterran à Mountagnard
Couroulougi : Paleoutemperado
Ref. sc. : Prunus avium (L.) L., 1755

Charuis

Colchicum alpinum

Colchicaceae

Autre noum : Bramo-vaco(-dis-Aup).

Nom en français : Colchique des Alpes.

Descripcioun :
La charuis, coume ié dison eilamount, o bramo-vaco-dis-Aup es uno planto que trachis en mountagno, souvènt sus safre, e flouris l'estiéu. Pamens pèr la destria de sa cousino Colchicum autumnale, fau bèn regarda l'estigmate emé uno lùpi (fotò). Aquéu èi gaire enarca e descènd pas sus l'estile. Coumpara emé la pìpia que flouris l'autouno.

Usanço :
Es uno planto forço empouisounanto que caup de cóuchicino, un pouisoun de la divisioun celulàri.

Port : Erbo
Taio : Pancaro entresigna
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Colchicum
Famiho : Colchicaceae

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco :

Liò : Mountagno mejano - Auto mountagno - Prado umido
Estànci : Mountagnard à Subaupen
Couroulougi : Pancaro entresigna
Ref. sc. : Colchicum alpinum DC., 1805

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Prunus avium & Colchicum alpinum

Coumpara Cereisié-fèr emé uno autro planto

Coumpara Charuis emé uno autro planto